ငွေပေးပြီးရက်စက်ခံနေရသူများ

မြန်မာအလုပ်သမားတွေ ထိုင်းမှာပက်ပက်စက်စက်ခံနေရတဲ့အကြောင်းတွေကို ရေးပေါင်းလည်းများပြီ။ သမ္မတနဲ့လွှတ်တော်ဥက္ကဌ တို့ဆီကိုလည်း အိပ်ဖွင့်ပေးစာတွေလည်းပေးခဲ့ပြီ။ လူလိမ်ပွဲစား အဖွဲ့ချုပ်MOEAF နဲ့ လည်းရန်ကုန်မြို့မှာ ဘတပြန် ကျားတပြန်သတင်းစာရှင်းလင်းပွဲတွေလည်းလုပ်ခဲ့ကြပြီ။ ကာယကံရှင်အလုပ် သမားတွေကိုခေါ်ပြီး ရန်ကုန်တိုင်း လူကုန်တားရုံးမှာ အမှုဖွင့်တာလည်းပလုံသွားခဲ့တယ်။ ငွေပေးရန်မလို တဲ့ ခေတ်မှာ အမှန်တရားကွယ်ပျောက်ပြီး မတရားမှုပြုသူတွေကပန်းပန်နေဆဲပါ။

ထိုင်းရောက်ရွှေပြောင်းအလုပ်သမားတွေရဲ့ပတ်စပို့စာအုပ်တွေဟာ ၂၀၁၄ ခုအောက်တိုဘာကတည်းက ကုန်ဆုံးလာခဲ့ကြတာ ခုဆို သိန်းကဏန်းနဲ့ချီသွားပြီ။ သန်းချီရှိနေတဲ့ထိုင်းရောက် အလုပ်သမားတွေရဲ့ တရားဝင် နေထိုင်ခွင့်တွေ တဖြည်းဖြည်းကုန်ဆုံးလာနေပါတယ်။ ၆နှစ်သက်တမ်းပြည့် ပြီဖြစ်တဲ့ ပတ်စပို့ ကို မြန်မာအလုပ် သမားတွေ သက်တမ်းမကုန်မီ ၆လ-၇ လကတည်းက မြန်မာသံရုံးမှာ အသစ်လျှောက် ထားခဲ့ကြတယ်။ မြန်မာ သံရုံးမှာ ပတ်စပို့ထုတ်ပေးရေးစခန်း တစ်ခုဖွင့်ထားရာကနေ ပတ်စပို့စာအုပ်အသစ်တွေ ထုတ်ပေးနေပေမယ့် ထိုင်းဘက်က ဗီဇာထုမပေးတာကြောင့် မြန်မာအလုပ်သမားတွေမှာ ဘာလုပ်လို့လုပ်ရ မှန်းမသိ ဖြစ်နေပါတယ်။ အမှန်က အလုပ်သမားတွေကိုပတ်စပို့ထုတ်ပေးခဲ့တဲ့မြန်မာအစိုးရက ကြိုတင်ပြီးတော့ စနစ်တကျအစီအမံရှိရမှာ ဖြစ်ပါတယ်။

မြန်မာနဲ့ထိုင်းပွဲစားတွေကတွေ ဗီဇာအတုတွေထုပေးကြလို့ ပတ်စပို့စာအုပ်လည်းပျက်စီး၊ ဗီဇအတုထုခ ပိုက်ဆံလည်းကုန်၊ လူလည်းထောင်ကျ။ ဘန်ကောက်မြို့အနီးက မဟာချိုင်မှာများဆိုရင် ဗမာမြင်ဖမ်းတော့တာ။ ပတ်စပို့မရှိ၊ ၀တ်ပါမစ် မရှိလို့ကတော့ ဘတ်ငွေသောင်းချီတောင်းပါတယ်။ လမ်းသွားတဲ့အလုပ်သမား တစ်ယောက်ကို ၀တ်ပါမစ်မပါလို့ ပိုက်ဆံတောင်းတာ သဘာဝမကျသလို အပြည့်အစုံပါပြန်တော့လည်း မူးယစ် ဆေးဝါးထုတ်တွေ အနားမှာချပြီး ဓါတ်ပုံရိုက်တယ်။ ခြိမ်းခြောက်ငွေတောင်းတာ မဟာချိုင်မှာနေ့ စဉ်နေတိုင်းပါ။

ထိုင်းနိုင်ငံအနှံ့အပြားက မြန်မာပြည်ကိုနေ့စဉ်နေ့တိုင်း ပြန်သွားနေကြတဲ့ မြန်မာအလုပ်သမားတွေကို မဲဆောက်အ၀င်မှာ ၀တ်ပါမစ်စစ်ပြီး ငွေတောင်းတယ်။ ဖမ်းချုပ်တယ်။ အကြောင်းကြောင်းကြောင့် နယ်စပ် မှာ ပြန်လည်ပြည်ဝင်ခွင့်ဗီဇာတံဆိပ်တုံးထုကြရတဲ့အခါ အလုပ်သမားတွေ မလုပ်တတ်မကိုင် တတ်ကြ တာကြောင့် မြ၀တီ မဲဆောက် တံတားနားမှာရှိနေကြတဲ့ ပွဲစားတွေကိုပဲ ထုခိုင်းကြရပါတယ်။ အဲဒီမှာ တံဆိပ်တုံးအတုဆိုပြီး ဖမ်းဆီး ထောင်ချခံကြရပြန်တယ်။

“သမ္မတဦးသိန်းစိန် လက်ထက်ရွှေ့ပြောင်းအလုပ်သမားများအခြေနေ”

သမ္မတကြီးဦးသိန်းစိန် ၂၀၁၂ ကာလတုန်းက ထိုင်းကိုရောက်ခဲ့ပါတယ်။ ၅နှစ်တာကာ လအတွင်းမှာ မြန်မာအလုပ်သမားဝန်ကြီးဌာနဟာ ပြည်ပအလုပ်အကိုင်ရှာဖွေရေး လုပ်ငန်းရှင်များအဖွဲ့ချုပ် (ပွဲစားများအဖွဲ့ချုပ် MOEAF) နဲ့ MOU သိန်းချီတဲ့အလုပ်သမားတွေကို ထိုင်းနိုင်ငံသို့ ပို့စားခဲ့ကြပါတယ်။ အကျိုးတူစီးပွားရေးကြီးလုပ် နေကြတာကြောင့် အလုပ်သမားအမြောက်အမြားဒုက္ခရောက်နေ ကြလွန်း လို့၊ ဖြစ်ရပ်အမှန်တွေကို သိရှိပြုပြင် နိုင်ဖို့အတွက် မြန်မာအလုပ်သမားဝန်ကြီးဌာနကို အလုပ် သမား ခေါ် စာတစ်စောင်လောက် လာစစ်လှဲ့ပါလို့ ထိုင်းနိုင်ငံရောက် မြန်မာနိုင်ငံသားများအဖွဲ့MAT က စိန်ခေါ်ထားတာကို အစစ်ဆေးမခံဝံ့သေးပါ။

အစိုးရတစ်ရပ်၊ အလုပ်သမားဝန်ကြီးဌာနတစ်ခုဟာ အလုပ်သမားလေးငါးသန်းရှိတဲ့ထိုင်းနိုင်ငံကို အလုပ် သမားသံအရာရှိ၂ဦးစေလွှတ်ထားတာ တာဝန်ကျေပြီးလိုထင်ထားပုံရတယ်။ အလုပ်သမားသံအရာရှိတွေ ဘာ လုပ်နေလဲဆိုတာ အလုပ်သမားလေးငါးယောက်လောက်ကိုဖုန်းဆက်ပြီးမေးကြည့်ပါက အခြေအနေမှန်ကို သိရှိ နိုင်မှာဖြစ်ပါတယ်။ ဒါမှမဟုတ် အလုပ်သမားယောင်ဆောင်ပြီး အလုပ်သမားသံအရာရှိ တွေကို ဖုန်းဆက်ရင် လည်း သိရှိနိုင်ပါတယ်။

လက်ရှိဝန်ကြီး ညွန်ချုပ် အတွင်းဝန်တို့ဟာပြည်တွင်းပြည်ပအလုပ်သမားတွေအတွက်ဘာမှ မလုပ်ပေး နိုင်ခဲ့ပါဘူး။ မြန်မာနိုင်ငံမှာလည်းလောလောဆယ်လည်း အလုပ်လုပ်ပြီးထမင်းဝမယ့်အလုပ် အကိုင်တွေမရှိသေး တာကြောင့် တိုင်းပြည်မပြန်နိုင်ကြတဲ့ အလုပ်သမာတွေဟာ အသစ်တက်လာမယ့် NLDအစိုးရသစ်ရဲ့ အလုပ် သမားဝန်ကြီးနဲ့ ညွန်ချုပ် အတွင်းဝန် အသစ်စက်စက်တို့ကများပြုပြင်ပြောင်း လဲလာမလားလို့ပဲ ပြည်ပရောက် အလုပ်သမားထုကြီးကမျှော်လင့်နေကြပါပြီ။

အရည်အချင်းရှိတဲ့အစိုးရ၊ တာဝန်ယူတဲ့အစိုးရဆိုရင် ဒီအလုပ်သမားတွေအတွက် ကျမ္မာရေး၊ ပညာရေးနဲ့ လုံခြုံရေးကအစ၊ စနစ်တကျ တာဝန်ယူ ဖြေရှင်းနိုင်အောင် အစီအမံတွေ ပြင်ဆင်ထားမှာဖြစ်ပါတယ်။

“တာဝန်ယူမှုတာဝန်ခံမှုရှိဖို့လိုအပ်ပါတယ်”

Certificate of Identity - CI ပဲထုတ်ထုတ်၊ ပတ်စပို့ပဲလုပ်လုပ်၊ အလုပ်သမားတွေအတွက် အကျိုးရှိ မလား၊ ဘယ်သူတွေ အကျိုးရှိမလဲ။ လုပ်ပေးထားတဲ့ CI နဲ့ ပတ်စပို့အတွက် ထိုင်းနိုင်ငံအနှံ့ နေ့တိုင်းတက်နေတဲ့ ပြဿနာတွေကို ဘယ်သူရှင်းမလဲ။ ထိုင်းလုပ်ငန်းရှင်နဲ့ ထိုင်းရဲတွေက အနိုင်ကျင့် ခဲ့ရင်ဒီပြဿနာကို ဘယ်သူ ဖြေရှင်းမလဲ။ အလုပ်သမားသံအရာရှိရှင်းမှာလား၊ မြန်မာသံရုံးက ရှင်းမှာလား။ ပတ်စပို့နဲ့ ၀တ်ပါမစ်ရှိလျှက်နဲ့ ထိုင်းပုလိပ်က ဘာဖြစ်လို့ ဖမ်းတာလဲ။ တရားဝင်အလုပ်သမားတွေကို ဖမ်းဆီးငွေညှစ်မခံရအောင် ဘယ်လို လက်တွေ့အကောင်အထည်ဖေါ်မလဲဆိုတာအရေးအကြီးဆုံးဖြစ်ပါတယ်။

လူကုန်ကူးမှုကိုတိုက်ဖျက်မှုအားနည်းနေတဲ့ထိုင်းနိုင်ငံကို အီးယူနဲ့အမေရိကန်တို့က ထိုင်းပင်လယ်အစားအစာကို မသွင်းတော့ဘူးလို့ခြိမ်းခြောက်ပြောဆိုနေမှုတွေကြောင့် ထိုင်းအစိုးရဟာ ငါးဖမ်းလှေနဲ့ ပင်လယ် အစားအစာထုတ်လုပ်တဲ့ အလုပ်ရုံက ရွှေ့ပြောင်းအလုပ်သမားတွေကို ပန်းရောင်ဘတ်ကဒ် ထုတ်ပေးပါတယ်။ ဒါပေမယ့် အဲဒီကဒ်ဟာ နယ်ကျော်ရင်အဖမ်းခံရပါတယ်။ လုပ်ငန်းရှင်မတူလို့ဆိုပြီးလည်းအဖမ်းခံရပြန်တယ်။ မြန်မာအလုပ်သမားတွေရဲ့ဘ၀ က ငွေကုန်တာကလွဲရင် ပတ်စပို့လုပ်လို့လည်းမလုံခြုံ၊ ဘတ်လုပ်လို့လည်း မလုံခြုံပါဘူး။

၂၀၁၃ ခုနှစ်က ထိုင်းအလုပ်သမားဝန်ကြီးဌာနက ရွှေပြောင်းအလုပ်သမားတွေဆီက အိမ်ပြန် စရိတ်ဆို ပြီး တစ်ယောက်စီဆီကနေ ဘတ်ငွေ ၁,၀၀၀ စီဖြတ်တောက်ထားတာရှိပါတယ်။ အဲဒီပိုက်ဆံကို လက်ရှိ မြန်မာ အလုပ်သမားဝန်ကြီးတို့ ပြန်လည်တောင်းခံသင့်ပါတယ်။ ဒီလောက်များတဲ့ငွေကို အလုပ်သမားကိစ္စတွေမှာ သုံး စွဲလို့ရပါတယ်။

“အလုပ်သမားဆိုတာငွေထုတ်စက်လား”

ပြီးခဲ့တဲ့ ဇူလိုင်လက ပန်းရောင်ဘတ်ကဒ်လုပ်ထားတဲ့အလုပ်သမား ခြောက်သိန်းကျော်ရဲ့ကိုယ်ရေး အချက်အလက်၂၇ ချက်စီကောက်ခံဖို့ MOEAF က ပွဲစားတပ်ကြီး ၆၀ လောက်ချီတက်လာခဲ့တယ်။ အောက် တိုဘာလ၂၀ ရက်နေ့မှာ ထိုင်းအာဏာပိုင်တွေက မျက်စိနောက်ပြီး ပိတ်သိမ်းပစ်လိုက်တယ်။

ပြုတ်ခါနီ အာဏာရှင်ယန္တရားထဲက အလုပ်သမားဝန်ကြီးဌာနက အကျင့်ပျက်ဝန်ထမ်းတွေဟာ လုပ် ကိုင်ခွင့်နဲ့သူဌေးဖြစ်မယ့် နောက်ဆုံး ဂွင်ဖန်ဖို့ ပွဲစားဂိုဏ်းချုပ်တွေခြံရံပြီး မကြာမီထိုင်းကိုကြွချီ လာကြအုံးမယ် လို့မြန်မာသတင်းတွေအရကြားသိရပါတယ်။ MOU နဲ့တင်သွင်းလာပြီး စုပုံထားတဲ့နေရာတွေကိုပြချင်စမ်းပါဘိ။

ပြောရရင် ထိုင်းအစိုးရဟာ မြန်မာအလုပ်သမားတွေကို ပန်းရောင်ဘတ်ကဒ်ထုတ်ပေးပြီးတော့အကျိုး အမြတ်ရှာသလို၊ မြန်မာအစိုးရကလည်း ပတ်စပို့ထုတ်ပေးပြီးအကျိုးအမြတ်ရှာတာဖြစ်တယ်လို့အလုပ်သမားတွေက မြင် လာကြပါတယ်။ ဒါ့အပြင် မြန်မာနဲ့ထိုင်းပွဲစားတွေသာမက ထိုင်းရဲတွေအတွက်ပါမြန်မာအလုပ်သမားတွေဟာ ငွေထုတ်စက်ကြီးဖြစ်နေပါတယ်။

လက်ရှိ အလုပ်သမားဝန်ကြီးဌာနဟာ ငါးသန်းလောက်ရှိတဲ့ ပြည်ပရောက်အလုပ်သမားတွေအတွက် ရေတို၊ ရေရှည်အစီအစဉ် ဘာတစ်ခုမှ မယ်မယ်ရရအကောင်အထည်မဖေါ်နိုင်ခဲ့ပါ။ ဒါ့အပြင် ပြည်တွင်း အလုပ် သမားတွေအတွက်လည်း ထမင်းစားလောက်တဲ့ ပုံမှန်လစာကိစ္စနဲ့ အလုပ်သမားတွေရဲ့ ပြဿနာတွေကိုမဖြေ ရှင်းပေးနိုင်ပါ။

အဲဒါကြောင့် ပြည်တွင်းပြည်ပအလုပ်သမားတွေအတွက် တာဝန်ခံမယ့် အလုပ်သမားဝန်ကြီး၊ ညွှန်ချုပ်၊ အတွင်းဝန်နဲ့ အလုပ်သမားသံအရာရှိတွေကို NLD အစိုးရသစ်က အလျှင်အမြန် အစားထိုးခန့်ထားနိုင်ပါစေလို့ အလုပ်သမားထုကြီးကဆုတောင်းမျှော်လင့်နေကြကြောင်းပါ။ ။

ကျော်သောင်း

soe-lin-aung ၏ ဖေ့ဘုတ်စာမျက်နှာ မှ ကူးယူဖေါ်ပြသည်။

ရန်ကုန်ကြေးမုံ